Бөкетов университетінің студенттеріне «Білгенің абзал» ақпараттық-профилактикалық жобасы аясында, интернет алаяқтықтың алдын-алу мақсатында Қарағанды облысы Полиция Департаменті мамандарының қатысуымен арнайы кездесу өтті.
Барысында ғаламтордың мүмкіндігін өздерінің құйтұрқы іс-әрекеттері үшін оңтайлы пайдаланып жүрген алаяқтардың әдіс-тәсілі жайында баяндап, айтылған мәселелердің алдын алу жолдары түсіндірілді.
Қатар, Қарағанды облысы Полиция Департаментінің аға жедел уәкілі, полиция капитаны Даниял Нарынбеков ғаламтор арқылы тауар алғанда жасалатын күмәнді қаржылық операциялар, сондай-ақ «банктен хабарласып», өздерін банк қызметкері ретінде таныстырып, бөтен біреудің атынан онлайн-несие рәсімдеу арқылы жасалатын қылмыстардан сақ болуға шақырды.
Полиция қызметкерлері желіде жазысу немесе телефонмен сөйлесу барысында жеке мәліметтерді ешкімге бермеу қажеттігін ескертті.