Университеттің шығармашылық клубтары

Университетте Студенттер сарайының базасында шығармашылық клубтар жұмыс істейді. Клубтардың бейіні мен мазмұны би, музыка, ән, театр саласында шығармашылық бастама мен қабілеттерді жүзеге асыруға мүмкіндік береді. Көптеген клубтардың ұзақ тарихы мен шығармашылық жетістіктері бар. Клубтарды тәжірибелі педагогтар, өнер қайраткерлері және студенттердің өздері басқарады.

Клубтардың шығармашылық жұмысы сабақтан тыс уақытта тегін жүргізіледі. Студенттер дайындық, хореографиялық және концерт залдарын, сахналық костюмдер мен реквизиттерді қолдана алады, оларға техникалық қолдау көрсетіледі. Клубтардың жұмысына қатысу үшін өтінім беру керек немесе Студенттер сарайына бару қажет.