Erasmus+ және академиялық ұтқырлық бағдарламасы аясында, 2025 жылғы 23 сәуірде Неджметтин Ербакан университетінде (Кония, Түркия) білім алып жатқан Академик Е. А. Бөкетов атындағы Қарағанды университетінің "Әлеуметтік жұмыс" Білім беру бағдарламасының студенттері — Саттар Бірғаным, Мейрамбек Аружан және Тулепова Аружан «Gödene İlkokulu» бастауыш мектебінде Балаларды қорғау күніне арналған мерекелік іс-шараға қатысты.Іс-шара мәдениетаралық алмасуды дамытуға, халықтар арасындағы достықты нығайтуға және балалық шақ құндылықтарын қолдауға бағытталған. Қазақстандық студенттер ұлттық мәдениет пен әлеуметтік белсенділік элементтерін көрсете отырып, оқушыларға шығармашылық сабақтар, интерактивті ойындар мен шағын шеберлік сыныптарын дайындады.Бұл іс-шара студенттердің кәсіби дайындығының маңызды бөлігіне және әлеуметтік жұмыс саласындағы халықаралық білім беру бастамаларын іске асырудың сәтті үлгісіне айналды.
