2025 жылғы 19 мамырда Қарағанды университетінің ректоры Дулатбеков Н.О. Қазақстанның Күміс университеттері қауымдастығының (ҚКУҚ) теңқұрушысы ретінде құжаттарға қол қойды. ҚКУҚ Жарғысы мен Шартында Қазақстанның 11 жоғары оқу орнының белсенді ұзақ өмір сүру мен егде жастағы адамдардың зияткерлік дамуын қолдайтын білім беру экожүйесін құруға деген ұмтылысы айқын көрініс тапты.Біз ҚКУҚ-тың құрылуын келесі маңызды бағыттар бойынша қолдаймыз:- Университеттердің Қауымдастыққа бірігуі 50+ жастағы азаматтарды оқытуға арналған әдістемелік материалдармен, сәтті бағдарламалармен және инновациялық тәсілдермен алмасуға арналған платформа қалыптастырады. Бұл қатысушы жоғары оқу орындарындағы қосымша білім беру бағдарламаларының сапасын арттыруға ықпал етеді.- Қауымдастық университетаралық жобаларды жүзеге асыруға, бірлескен курстарды, тренингтерді, ғылыми зерттеулер мен белсенді қартаю, инклюзивті білім беру және егде жастағы адамдардың цифрлық сауаттылығы мәселелері бойынша форумдарды әзірлеуге мүмкіндік береді.- Біріктірілген формат белсенді қартаю мәселелері бойынша білім беру және әлеуметтік саясатты қалыптастыруға ықпал етуге, ұлттық бағдарламалар мен заңнамалық бастамаларға ұсыныстар енгізуге, егде жастағы азаматтардың мәселелері мен мүмкіндіктеріне қоғам назарын аударуға жағдай жасайды.- Қауымдастық геронтология, үшінші жастың педагогикасы, қарттық социологиясы салаларындағы ғылыми зерттеулерді үйлестіре алады, бұл әлеуметтік және білім беру саясаты саласында негізделген шешімдер қабылдауға арналған ғылыми база қалыптастыруға мүмкіндік береді.- Біріккен құрылым халықаралық ұйымдармен, қорлармен, бизнес-серіктестермен өзара әрекеттесуді жеңілдетеді, сондай-ақ гранттық конкурстар мен тұрақты даму бағдарламаларына қатысу мүмкіндігін кеңейтеді.Осылайша, Қарағанды университетінің ҚКУҚ-тың теңқұрушысы болу туралы шешімі – әрбір жас бағаланатын және өзін-өзі дамытуға мүмкіндігі бар инклюзивті, тұрақты әрі ізгі қоғамды қалыптастыру жолындағы маңызды қадам.
