26 мамыр күні университет базасында республикадан және шетелден келген педагогтерді, әлеуметтік қызметкерлерді, психологтарды, магистранттар мен докторанттарды біріктірген Жазғы мектеп өз жұмысын бастады. Білім беру курсы аралас форматта — онлайн және офлайн түрде өткізіледі.
💠 Жоба және Жазғы мектептің мақсаттары туралы жобаның жетекшісі, педагогика ғылымдарының докторы, профессор Ш. М. Мұхтарова айтып берді. Мектептің негізгі мақсаты — балалар мен жасөспірімдердің девиантты мінез-құлқын анықтау, алдын алу және еңсеру үшін қажетті педагогтердің девиантологиялық құзыреттерін қалыптастыру, сондай-ақ мектеп оқушыларының табысты әлеуметтік бейімделуіне ықпал ететін тиімді және инновациялық әдістер мен стратегияларды қолдану.
💠 Баяндамалармен сөз сөйлегендер:
🔹 А. Н. Тесленко — педагогика ғылымдарының докторы (ҚР), әлеуметтік ғылымдар докторы (РФ), профессор, «Ювенологиялық зерттеулер орталығы» қоғамдық қорының директоры (Қазақстан).
Баяндаманың тақырыбы: «Девиантты мінез-құлықтың алдын алу құралы ретінде қалпына келтіруші медиация».
🔹 Й. М. Лукасик — педагогика ғылымдарының докторы, профессор (Польша, Краков ауылшаруашылығы университеті).
Баяндаманың тақырыбы: «Польшада мінез-құлқында ауытқуы бар балалармен жұмыс істеу үшін мұғалімдерді даярлау моделі».
🔹 Профессор Чен Геанхуа, Шэньян педагогикалық университеті (Шэньян қаласы, ҚХР).
Баяндаманың тақырыбы: «Қытайдағы орта және бастауыш сынып оқушыларының девиантты мінез-құлқының пайда болу механизмі мен оған араласу жолдарын зерттеу».
🔹 М. К. Бұлақбаев — педагогика ғылымдарының кандидаты, ҚазҰлЖенПУ-дың «Білім беру теориясы мен практикасы» кафедрасының бағдарламалық жетекшісі, «Болашақ» халықаралық бағдарламасының стипендиаты.
Баяндаманың тақырыбы: «Білім алушылардың ғылыми-зерттеу жұмыстарын ұйымдастыру ерекшеліктері: Иллинойс университеті тәжірибесінен» (Урбана-Шампейн қ., АҚШ, Иллинойс университеті).
🔹 З. М. Сәдуақасова — педагогика ғылымдарының кандидаты, әл-Фараби атындағы ҚазҰУ жалпы және қолданбалы психология кафедрасының профессоры.
Баяндаманың тақырыбы: «Адамның девиантты мінез-құлқымен жұмыс істеу технологиялары».
🔹 И. В. Журлова (ғылыми жетекші) — педагогика ғылымдарының кандидаты, профессор, педагогика магистрі, Бируль К. С. — И. П. Шамякин атындағы МГПУ (Беларусь) психология және әлеуметтік педагогика кафедрасының аға оқытушысы.
Баяндаманың тақырыбы: «Девиантты мінез-құлықтағы балалармен кәсіби өзара әрекеттесу: әлеуметтік әріптестік негізіндегі құзыреттілік тәсіл».
🔹 М. А. Оспанова — Краковтағы Ұлттық білім беру комиссиясы университетінің докторанты (Польша).
Баяндаманың тақырыбы: «Девиантты мінез-құлық танытатын оқушылармен жұмыс істеу үшін мұғалімдердің құзыреттері: Польша мен Қазақстан мысалында».
🔹 Ш. М. Мұхтарова — педагогика ғылымдарының докторы, Е. А. Бөкетов атындағы Қарағанды университетінің профессоры.
Баяндаманың тақырыбы: «Балалардың девиантты мінез-құлқының алдын алу бойынша еуропалық модельдердің салыстырмалы талдауы».
Білім беру бағдарламасы Қазақстан Республикасы Ғылым және жоғары білім министрлігінің Ғылым комитеті қаржыландыратын «Мектеп мұғалімдерінің девиантты мінез-құлықты балалармен өзара әрекеттесуге кәсіби дайындықты қалыптастырудың психологиялық-педагогикалық шарттары» жобасы аясында әзірленді (Грант № AP23489106).
