Академик Е.А. Бөкетов атындағы Қарағанды ұлттық зерттеу университетінің делегациясы «Парламентаризм: құқықтық негізі, даму жолы және болашаққа көзқарас» атты Еуразиялық форумға қатысты.
2025 жылғы 19 желтоқсанда Қазақстан Республикасы Парламенті Мәжілісінің ғимаратында Парламентаризм институтының құрылғанына бес жыл толуына орай «Парламентаризм: құқықтық негізі, даму жолы және болашаққа көзқарас» атты Еуразиялық форум өтті. Форум жұмысына академик Е.А. Бөкетов атындағы Қарағанды ұлттық зерттеу университетінің ректоры Нұрлан Орынбасарұлы Дулатбеков бастаған университет делегациясы қатысты. Делегация құрамында сондай-ақ заң факультетінің деканы Абзал Мұхаметжанұлы Серікбаев және Қылмыстық құқық, процесс және криминалистика кафедрасының профессоры Аманжолова Ботагөз Атымтайқызы болды.
Университет ректоры Парламентаризм институтының директоры Пан Наталья Виссарионовнаны институттың бес жылдық мерейтойымен жеке құттықтап, ұжымға шынайы алғыс пен зор құрметке толы ізгі тілектерін жеткізді. Парламентаризм институтының басшысы академик Е.А. Бөкетов атындағы Қарағанды университетінің түлегі екені айрықша мәнге ие. Бұл жайт ғылыми дәстүрлердің сабақтастығын, кадр даярлаудың жоғары сапасын және университеттің ұлттық зияткерлік элитаны қалыптастырудағы елеулі үлесін айқын көрсетеді.
Сапардың шарықтау шегі академик Е.А. Бөкетов атындағы Қарағанды ұлттық зерттеу университеті мен Парламентаризм институты арасында ынтымақтастық туралы меморандумға салтанатты түрде қол қою рәсімі болды. Аталған құжат стратегиялық маңызға ие болып, ғылым мен білім беру саласында орнықты әріптестікті қалыптастыруға, бірлескен ғылыми-зерттеу және сараптамалық-талдамалық жобаларды дамытуға, сондай-ақ ортақ ғылыми және білім беру іс-шараларын ұйымдастыруға бағытталған.
Кездесу соңында тараптар алдағы уақытта сындарлы әрі ұзақ мерзімді ынтымақтастықты дамытуға өзара мүдделілік пен үміт білдіріп, қол қойылған меморандум Қазақстан Республикасындағы құқықтық ғылымды, парламентаризмді және мемлекеттілікті дамыту мүддесінде академиялық қауымдастық пен жария билік институттарының зияткерлік ресурстарын біріктіруге берік негіз болатынын атап өтті.
