9 қараша күні «Жігіттің сұлтаны» спорт кешенінде жастарды оқыту мен тәрбиелеу жолында аянбай еңбек еткен аға оқытушы Қожамжаров Ержан Жүрсінұлын еске алуға арналған футзалдан турнир өтті. Оқу процесіне қосқан үлесі, жоғары кәсіби деңгейі мен адалдығы үшін ол «Дене шынықтыру және спорт саласындағы адал еңбегі үшін» медалімен марапатталған. Ашылу салтанатында ғылым жөніндегі проректордың м. а. А.Қ. Зейниденов, дене шынықтыру және спорт факультетінің деканы Қ. Б. Аданов, бастапқы әскери дайындық және жекпе-жек кафедрасының профессоры К. И. Садықов және әріптестері сөз сөйледі. Шараны ұйымдастырушылар құрметті қонақтарға арнайы дайындаған медальондарды табыс етті. Бір медальон турнирді өткізуге қолдау көрсеткен университет басшылығына берілді. Турнир алты команданың басын қосты, оның ішінде бесеуі Қарағанды облысының жоғары оқу орны, бір команда – Л. Н. Гумилев атындағы ЕҰУ. Ойынның алғашқы сәттерінен бастап көрермендер нағыз спорттық шайқастың куәсі болды: жылдам шабуыл, епті қимылдар мен ойыншылардың да, көрермендердің де эмоциясын тудырған күтпеген голдар. Жарыс соңында командалар мен үздік ойыншыларды салтанатты марапаттау рәсімі өтті.
