ХИМИЯ ФАКУЛЬТЕТІ

Химия факультеті 1972 жылы құрылған, оның тарихы, белгілі түлектері және дамыған халықаралық байланыстары бар.

Химия факультеті іргелі білімі бар және химия өнеркәсібі, ғылым және білім саласындағы инновацияларды тиімді енгізуге қабілетті бакалаврларды, магистрлерді және докторларды дайындайды.

Түлектер мектептерде, колледждерде, жоғары оқу орындарында сабақ бере алады; ғылыми-зерттеу және жобалау индустриясы институттарында кіші ғылыми қызметкерлер ретінде жұмыс істей алады; мұнай, газ, көмір және полимерлерді, эластомерлерді, лак-бояу материалдарын, жанармай, қатты және сұйық зымыран отынын қайта өңдеу кәсіпорындарының мамандары бола алады; көмірсутегі шикізатын өндіру және тасымалдау және оларды ұтымды пайдалану мекемелерінде, қорғаныс кәсіпорындарында қызмет атқара алады.

Факультетте ғылыми дәрежелері мен атақтары бар тәжірибелі профессор-оқытушылар құрамы жұмыс істейді.

Факультет құрамына 4 кафедра кіреді: физикалық-аналитикалық химия кафедрасы, бейорганикалық және техникалық химия кафедрасы, химиялық технология және экология кафедрасы, органикалық химия және полимерлер кафедрасы. Факультетте 2 ғылыми-зерттеу институты және аккредиттелген инженерлік зертхана жұмыс істейді.

Даталар мен фактілер

Тарихы:
ХХ ғасырдың 70-жылдарында Қарағанды облысы химия ғылымын дамытудағы Қазақстандағы көшбасшылардың бірі болды. Қарағандыда химиктер қажет болатын көптеген зауыттар болды. Сонымен қатар, Қарағанды мен облыстың орта мектептерінде химия пәні мұғалімдерінің жетіспеушілігі қатты сезілді. Мұның бәрі өңірді білікті кадрлармен қамтамасыз ететін осындай білім беру құрылымын құруға негіз болды.
Осыған байланысты химиктерді даярлау үшін 1972 жылы Қарағанды мемлекеттік педагогикалық институтының жаратылыстану факультетінің химия кафедрасы негізінде химия факультетін ашу туралы шешім қабылданды.
Химия факультетінің алғашқы деканы химия ғылымдарының кандидаты, доцент Омарова Рашида Газизовна болып тағайындалды. Ол химия кафедрасын 20 жыл басқарды. Кафедралардың алғашқы меңгерушілері Қазақ КСР Ғылым академиясының корреспондент-мүшесі, техника ғылымдарының докторы, профессор, КСРО Мемлекеттік сыйлығының лауреаты, Қарағанды мемлекеттік университетінің тұңғыш ректоры Евней Арыстанұлы Бөкетов, доцент Гафуров Еркен Гафурович, доцент Қожақова Ақбет Аманбайқызы болды.
Факультеттің ғылыми бағыттарын ұйымдастыруда, қалыптастыруда, анықтауда және дамытуда университеттің тұңғыш ректоры, жетекші металлург, академик Е.А. Бөкетовтің ықпалы зор болды. 1976 жылы ректор бола отырып және физикалық химия кафедрасын басқара жүріп, ол Қазақстанда алғаш рет химия және халькогендер мен халькогенидтер технологиясы ғылыми мектебін, сондай-ақ 1981 жылы сол аттас зертхананы ұйымдастырды.
1978 жылы Химия-металлургия институты мен Қарағанды мемлекеттік университетінің базасында алғаш рет халькогендер мен халькогенидтер химиясы мен технологиясы бойынша Бүкілодақтық кеңес ұйымдастырылды, ол көптеген жылдар бойы дәстүрлі түрде өткізіліп тұрды.
Сонымен бірге академик Е.А. Бөкетов «Минералды шикізат пен өнеркәсіп өнімдерін өңдеудің теориялық негіздері» тақырыбы бойынша жетекшілік жасады.
Химия факультетінің (1983-1988 жж.) Қазақстанның жетекші ғылыми орталықтарының бірі ретінде қалыптасуына ректор, Қазақстан Республикасы Ұлттық Ғылым академиясының академигі, еңбек сіңірген ғылым қайраткері, химия ғылымдарының докторы, профессор Молдахметов Зейнулла Молдахметұлы үлкен үлес қосты.
1980-1982 жж. Ғылыми жұмыс жөніндегі проректор, т.ғ.д., профессор В.П. Журавлев коллоидтық химия және экология кафедрасын ашады. Сонымен бірге қоршаған ортаны қорғау бойынша зерттеу жұмыстары басталды.
1982-1985 жж. Ғылыми және тәрбие жұмысы жөніндегі проректорлық қызмет атқарған - Қазақстан Республикасы Ұлттық ғылым академиясының академигі, химия ғылымдарының докторы, профессор Жұрынов Мұрат Жұрынұлы 1984 жылы химия факультетінде электрохимия кафедрасын ашқан.
Қазақстан Республикасы Ұлттық ғылым академиясының академигі, КПМЦ ғылыми орталығының директоры Жәрменов Абдрасул Абдашұлы 1984-1986 жылдары аналитикалық химия бөлімін басқарып, «Түсті металлургияда электрохимиялық әдістерді қолдану» ғылыми бағытын ұйымдастырды.
Факультеттің дамуына, факультет деканы, химия ғылымдарының докторы, профессор О.Ш.Құрманалиев айтарлықтай үлес қосты. О.Ш.Құрманалиевтің тікелей қатысуымен химия факультетінде оқытудың қазақ бөлімі, кванттық химия және электрохимия, органикалық химия және полимерлер кафедралары ашылды.

Оқытушылар:
Факультетте 65 адам жұмыс істейді, оның ішінде 9 ғылым докторы, 27 ғылым кандидаты, 8 PhD докторы, 16 республикалық «Жоғары оқу орнының үздік оқытушысы» атағының иегерлері бар.

Студенттер:
Бакалавриат-1484 адам
Магистратура-42 адам
Докторантура-21 адам
Үш жыл ішінде контингент бір жарым есеге өсті.
Студенттердің 90%-ы мемлекеттік білім гранттарының иегерлері. Студенттер арасында 28 «Алтын белгі» иегері бар.
Факультетке жылына 400-ге жуық адам оқуға түседі. Олардың арасында Қазақстанның әр өңірінен келген өкілдер, Қырғызстан, Моңғолия, Қытай, Өзбекстан азаматтары бар.

Түлектердің жұмыспен қамтылуы:
5В011200 -«Химия»-82%
5В060600-« Химия»-72%
5В072000 –«Бейорганикалық заттардың химиялық технологиясы»-91%
5В072100 -«Органикалық заттардың химиялық технологиясы»-71%
5В074800 -«Фармацевтикалық өндіріс технологиясы»-66%

Инновациялық бағдарламалар:
6В05302-«Іргелі химия»
6В05303-«Химия және химиялық инженерия»
6В07203-«Мұнай өңдеу зауыттарының технологиясы»

Көптілді оқыту бағдарламалары:
6В01507-«Химия»
6В05301-«Химия»

Екі дәрежелі бағдарламалар:
7М05308901 «Химия» Томск мемлекеттік университетімен, «MИФИ» ұлттық зерттеу ядролық университетімен ынтымақтастықта;
7М07109703 «Химия және химиялық инженерия» Ұлттық зерттеу Томск политехникалық университетімен бірлескен.

Диссертациялық кеңестер:
6D060600 - Химия бағдарламасы.

Көшбасшылық және аккредиттеу:
Факультеттің барлық бағдарламалары ұлттық аккредиттеуге ие және БСҚТА агенттігінің ұлттық рейтингінде лайықты позицияларға ие: 6B015 «Химия» – 1-орын, 6B015 «Химия-Биология» – 1-орын, 6B071 «Бейорганикалық заттардың химиялық технологиясы» – 3-орын , 6В071 «Химия және физика материалдары» – 1-орын, 6В072 «Фармацевтикалық өндіріс технологиясы» – 1-орын, 6В072 Мұнай өңдеу салаларының технологиясы (салалар бойынша) – 1-орын.

Серіктестер:
Факультет Чехия, АҚШ, Германия, Нидерланды, Ресей, Қытай, Үнді университеттерімен ынтымақтасады.

Бірлескен жобалар:
Халықаралық ынтымақтастық туралы меморандумдар жетекші шетелдік университеттермен жасалды: Чарльз университеті (Прага, Чехия) - профессорлар Давид Гавличек, Павел Войчек, Норфолк мемлекеттік университеті (Норфолк, АҚШ) - профессор Р.Р.Рахимов, Джейкобс университеті (Бремен, Германия) - профессор Герд -Волькер Рошенталлер, Гете университеті (Майндағы Франкфурт қ.) - профессор Дж. Кройтер, Эйндховен технологиялық университеті (Нидерланды) - профессор Алекс Ван Герк, Синьцзян университеті (ҚХР) - профессор Ма Фен Юн, А.В.Топчиев атындағы РҒА Мұнай-химиялық синтез институты (РФ, Мәскеу) - профессор А.М.Гулмалиев, Рединг университеті (Ұлыбритания, Рединг) - профессор В.В. Хуторянский, Алтай мемлекеттік университеті (Барнаул, Ресей) - профессор С.А.Безносюк, ТПУ (Томск, РФ) - профессор А.А.Бакибаев, Доктор Д. Ю. Патил Фармацевтикалық зерттеулер және ғылымдар институты (Пимпри, Пуна, Махараштра, Индия) - профессор Р.П. Бхоле.

Факультеттің ғылыми-зерттеу орталықтары мен зертханалары:
Химиялық мәселелер ғылыми-зерттеу институты
«Қолданбалы химия» ғылыми-зерттеу орталығы
«Физика-химиялық зерттеу әдістері» инженерлік бейіндегі зертхана (аккредиттелген зертхана).

Факультеттің танымал түлектері:
1. Әдекенов Серғазы Мыңжасарұлы - химия ғылымдарының докторы, профессор, Қазақстан Республикасы Ұлттық ғылым академиясының академигі, «Фитохимия» Халықаралық ғылыми-өндірістік холдингі АҚ басқарма төрағасы
2. Фазылов Серік Драхметұлы - химия ғылымдарының докторы, профессор, Қазақстан Республикасы Ұлттық Ғылым академиясының академигі, Органикалық синтез және көмір химиясы институтының бас ғылыми қызметкері
3. Тулеуов Бораш Игликович - химия ғылымдарының докторы, профессор, «Фитохимия» Халықаралық ғылыми-өндірістік холдингі АҚ зертхана меңгерушісі
4. Нұркенов Оралғазы Ақтайұлы - химия ғылымдарының докторы, профессор, Органикалық синтез және көмір химиясы институтының зертхана меңгерушісі
5. Матаев Мұхаметқали Мұсағалиұлы - химия ғылымдарының докторы, профессор, «Қазатомөнеркәсіп» ұлттық атом компаниясы АҚ, жер-жерде сілтісіздендіру зертханасының аға ғылыми қызметкері, Алматы қ.
6. Буркеев Мейрам Жүнісұлы - химия ғылымдарының докторы, ҚР ҰҒА корреспондент-мүшесі, профессор, химия факультетінің деканы
7. Тәжбаев Еркебұлан Мұратұлы - химия ғылымдарының докторы, профессор, Е.А.Бөкетов атындағы ҚарУ-дің ғылыми жұмыс жөніндегі проректоры
8. Толоконников Евгений Геннадьевич - фармацевтика ғылымдарының докторы, Қарағанды фармацевтикалық зауытының директоры
9. Балпанов Дархан Серікұлы - химия ғылымдарының кандидаты, «FARMA TRADE» ЖШС директоры
10. П.Тарлыков - PhD докторы, «Болашақ» түлегі (АҚШ), Қазақстан Республикасы Білім және ғылым министрлігі Ғылым комитетінің Ұлттық биотехнология орталығы зертханасының меңгерушісі
11. Нұрмаған Манарбек - «Алюминий Казахстан» АҚ Краснооктябрьдегі боксит өндірісі департаментінің директоры
12. Жаппар Нариман Қазбекұлы - «EcoSave» ЖШС директоры, Ұлттық биотехнология және биомедициналық дайындық орталығы филиалының зертхана меңгерушісі
13. Жакупов Ерканат Жанатович - «Biotron Group» ЖШС өндірістік директоры, «Biotron Progress» ЖШС басшысы.