ҒЫЛЫМИ ТЕХНОПАРК ЖАҢАРТЫЛДЫ

🏢Академик Е.А. Бөкетов атындағы Қарағанды ұлттық зерттеу университетінің Жамбыл Ақылбаев атындағы ғылыми-технопаркі толық жаңартудан өтті. Ғимарат іші заман талабына сай қайта жасақталып, пайдаланушыларға ыңғайлы кеңістіктер пайда болды. Мұнда киім ілетін орын, күту залы, жобаларды таныстыру және пікірталас алаңы, сондай-ақ бірлесіп жұмыс істеуге арналған орындар бар. 🪑 Әр кеңістік заманауи құрал-жабдықтармен және арнайы дайындалған жиһазбен жабдықталған.Ғылыми зерттеу орталықтары да толық жаңартылып, жаңа зертханалық үстелдер мен сақтау жүйелері орнатылды. Енді зерттеушілер үшін қауіпсіз әрі толық жабдықталған жұмыс орны қамтамасыз етілген.💻Akylbayev зерттеу орталығы – университет оқытушылары, докторанттары, магистранттары мен студенттері үшін ғылыми ізденіс пен жаңалық жасау алаңы. Мұнда сыртқы әріптестермен бірлескен жобалар жүзеге асырылады және кәсіпкерлік мүмкіндіктер кеңейеді.🛜Қазіргі таңда технопаркте жасыл энергия, медициналық жарық технологиялары, нанотехнология, химиялық зерттеулер, робот жасау, ақпараттық технологиялар, үшөлшемді модельдеу, педагогика және психология бағытында инновациялық жұмыстар жүргізілуде.🧪Технопаркте тоғыз ғылыми орталық пен зертхана жұмыс істейді: суды өндіру мен сақтау мәселелерін зерттеу зертханасы, қайта жаңартылатын «энергия көздерін зерттеу орталығы, медициналық жарық технологиялары орталығы, химиялық зерттеулер институты, қызметкерлердің біліктілігін тексеру орталығы, жеке даму мен кәсіби өсу орталығы, қолданбалы механика және робот жасау зертханасы,🤖ақылды құрылғылар мен аддитивтік технологиялар лабораториясы және жасанды ой зертханасы.