2026 жылғы 17 сәуірде академик Е.А. Бөкетов атындағы Қарағанды ұлттық зерттеу университетінің Басқарма төрағасы – Ректоры Дулатбеков Нұрлан Орынбасарұлы Өзбекстан Республикасы Әділет министрлігі жанындағы заң кадрларын қайта даярлау және біліктілігін арттыру институтының өкілдері – заң ғылымдарының докторы (DSc), доцент Гофурова Нозимахон Элдаровнамен және заң ғылымдары бойынша философия докторы (PhD) Юсупова Фарингиз Уктам кызымен ресми кездесу өткізді.
Кездесу барысында тараптар халықаралық академиялық ынтымақтастықты одан әрі дамыту перспективаларын, ұйымдар арасындағы ғылыми байланыстарды кеңейтуді, бірлескен білім беру және зерттеу бастамаларын іске асыруды, сондай-ақ заң кадрларын даярлау саласындағы өзара іс-қимылды нығайтуды талқылады.
Өткен кездесудің маңызды нәтижелерінің бірі – бірлескен ғылыми жобаларды дамытуға, білім беру және ғылыми іс-шараларды өткізуге, оқытушылар мен зерттеушілер арасында тәжірибе алмасуға, сондай-ақ құқықтық білім мен ғылым саласындағы халықаралық өзара іс-қимылды одан әрі нығайтуға бағытталған ынтымақтастық туралы келісімге қол қою болды.
Сапар аясында шетелдік ғалымдар заң факультетінің студенттерімен де кездесу өткізіп, халықаралық құқық пен адам құқықтарын қорғау мәселелері бойынша дәрістер оқыды. Гофурова Нозимахон Элдаровна «Адам құқықтарын қорғаудың халықаралық тетіктері» тақырыбында дәріс оқып, онда адам құқықтары мен бостандықтарын халықаралық-құқықтық қорғаудың заманауи тәсілдері, сондай-ақ әмбебап және өңірлік құқық қорғау тетіктерінің маңызы қарастырылды. Юсупова Фарингиз Уктам кызы «Әйелдердің еңбек құқықтарын қорғаудың халықаралық тетіктері» тақырыбында баяндама жасап, еңбек саласындағы халықаралық стандарттар, теңдікті қамтамасыз ету және еңбек қатынастарында әйелдердің құқықтарын қорғау мәселелерін ашып көрсетті.
Ресми кездесу мен өткізілген дәрістер өзара құрмет, ашық кәсіби диалог және алдағы ынтымақтастыққа деген қызығушылық атмосферасында өтті. Қол жеткізілген келісімдер мен өткізілген іс-шаралар университеттің халықаралық байланыстарын нығайтудағы маңызды қадам болып, заң факультетінің дамуы үшін жаңа мүмкіндіктер ашты.
